बॉलिवूडचे महानायक म्हणजे अर्थात आपल्या सगळ्यांचे लाडके अमिताभ बच्चन वयाच्या ८० व्या वर्षीही तरुणांप्रमाणे काम करण्यापासून प्रत्येक गोष्टींसाठी तयार असतात. आणि अमिताभ बच्चन इतर तरुण पीढीसारखे आपल्या सोशल मीडियावर सुद्धा खूप ऍक्टिव्ह असतात.आपल्या आयुष्याशी संबंधित सर्व अपडेट्स ते आपल्या चाहत्यांसोबत सोशल मिडीयाच्या माध्यमातून शेअर करत असतात. आता बिग बी यांनी आपल्या इन्स्टाग्रामवर असे काही फोटो पोस्ट केले आहे, ज्याचे चाहते भरभरून कौतुक करताना पाहायला मिळतायत आणि त्यांची सोशल मीडियावर ही खुप चर्चा होत आहे. अमिताभ बच्चन यांनी शेअर केलेल्या पोस्टमध्ये ते बाईकवर मागच्या बाजूला बसलेले दिसत आहेत, आणि हा कोणत्याही सिनेमाच्या शूटिंगचा सीन नसून त्यांना त्यांच्या खऱ्या आयुष्यातच लिफ्ट घेऊन दुचाकीस्वाराची मदत घ्यावी लागली आहे.(Amitabh On Bike)
तर झाले असे की, अमिताभ बच्चन आपल्या कामासाठी घरातून निघाले मात्र त्यांना रस्त्यामध्ये खुप ट्रैफिक मिळाले ज्यामुळे त्यांना त्यांच्या कामाच्या ठिकाणी पोहचण्यासाठी खुप उशीर लागणार असल्याच लक्षात आल. उशीर होऊ नये आणि म्हणून अमिताभ बच्चन त्यांनी एका अनोळखी व्यक्तीकडून बाईकवर लिफ्ट घेतली. त्याच्या बाइकवरुन ते कामाच्या ठिकाणी पोहचले. स्वत: अमिताभ यांनी याबद्दल आपल्या पोस्टमध्ये सांगितले आहे. बिग बींनी लिहिले आहे की, “राइडबद्दल धन्यवाद मित्रा, मी तुम्हाला ओळखत नाही, परंतु तुम्ही पटवून दिले आणि मला वेळेवर कामाच्या ठिकाणी पोहचवलेस… जलद आणि वाहतूक कोंडीतून बाहेर काढून. कॅप, शॉर्ट्स आणि या पिवळ्या रंगाच्या टी-शर्ट ओनरला धन्यवाद. ”
या पोस्टनंतर अमिताभ यांचे चाहते आणि कलाकारही अनेक कमेंट्स करत आहेत. पण त्यांची नात नव्या नंदा हिच्या कमेंट नी सगळ्यांचे लक्ष वेधले आहे. तिने आजोबांच्या या पोस्ट वर स्माइली आणि हार्टचा इमोजी पोस्ट केला आहे.तर तर संजय दत्तची पत्नी मान्यताने टाळ्यांचा इमोजी शेअर केला आहे. तर एका युजरने लिहिले की, “हा पिवळा टी-शर्ट बॉय आता रात्री झोपणार नाही, आणि जास्त वेळ आपले कपडे आणि आपली बाईक धुणार नाही.”अशी विनोदी कमेंट केली आहे.(Amitabh On Bike)
=================================
हे देखील वाचा: City Of Dreams 3 चा धमाकेदार ट्रेलर आला समोर; प्रेक्षकांची उस्तुकता आणखी वाढली
=================================
अमिताभ बच्चन नेहमीच चाहत्यांचे मनं जिंकतात. सध्या तो प्रभास आणि दीपिका पदुकोणसोबत ‘प्रोजेक्ट के’ या चित्रपटाच्या चित्रीकरणात व्यस्त आहे. या चित्रपटाच्या चित्रीकरणादरम्यान काही दिवसांपूर्वी त्यांना दुखापतही झाली होती. दीपिका पदुकोणसोबत बिग बी देखील हॉलिवूड चित्रपट ‘द इंटर्न‘च्या रिमेकमध्ये दिसणार आहेत. याशिवाय त्याच्याकडे टायगर गणपत आणि सेक्शन 84 नावाचे चित्रपटही आहेत.
