सोशल मिडियावर कधी कोणता कलाकार रातोरात स्टार होईल आणि कधी कोणता कलाकार ट्रोल होईल याचा खरंच काही नेम नाही… बऱ्याचदा सेलिब्रिटींना त्यांच्या वैयक्तिक मतांमुळे तर शेअर केलेल्या अनुभवांमुळे ट्रोलिंगचा सामना करावा लागतो… ज्येष्ठ अभिनेते-दिग्दर्शक सचिन पिळगांवकर (Sachin Pilgoankar) यांना मोठ्या प्रमाणात ट्रोल केलं जात असून आता अभिनेत्री क्रांती रेडकर हिने याबद्दल आपलं मत मांडलं आहे… “सचिनजींच्या बाबतीत ट्रोलर्सनी मर्यादा ओलांडल्या आहेत”, असं म्हणत तिने ट्रोलर्सची खरडपट्टी काढली आहे… नेमकं काय म्हणाली आहे क्रांती जाणून घेऊयात… (Kranti Redkar News)
क्रांती रेडकर हिने सचिन पिळगांवकर (Sachin Pilgoankar Trolling News) यांना ट्रोल करणाऱ्या लोकांबद्दल असं म्हटलं की, “सचिनजींच्या बाबतीत ट्रोलर्सनी मर्यादा ओलांडली आहे, याचं मला खरंच वाईट वाटतं. त्या माणसाचं केवढं मोठं काम आहे. आम्हाला हातात धड चमचा धरता येत नव्हता, तेव्हापासून त्यांनी सुपरहिट चित्रपट दिले आहेत. पण आता तुमचा चेहरा दिसत नाही किंवा तुम्ही एखाद्या खोलीत काहीही न करता बसलाय, म्हणून तुम्ही त्यांच्याबद्दल काहीही बोलणार… बरं या ट्रोलर्सना ते जे बोलतायंत, त्यामागची सत्यता तरी माहितेय का? पिळगांवकर एखादी गोष्ट सांगत आहेत, तर ती खोटी आहे की खरी, हे ठरवणारे तुम्ही कोण?”, असा सवालही तिने उपस्थित केला आहे…
क्रांती पुढे असं देखील म्हणाली की, ‘ते सांगत आहेत, म्हणजेच त्यांच्यासोबत तसं घडलं असेल म्हणून ते तसं बोलतायंत. बरं घडलं नसेल, तर एखादा माणूस त्याच्या नोंदी ठेवत नाही, म्हणजे त्यांच्या बाबतीत घडलेल्या घटना या संग्रहित आहेत. म्हणजे एखाद्या मोठ्या कलाकाराबद्दल ते जर काही बोललेच नसतील, तर मग तो मोठा कलाकार ‘असं काही झालंच नव्हतं’, असं नाही का येऊन म्हणणार? म्हणजे ते जे काही बोलत किंवा लिहित आहेत, त्यामागे काहीतरी तथ्य असेलच ना? निदान त्यांचं ऐकातरी. तरीसुद्धा तुम्हाला त्याबद्दल काही अयोग्य वाटलं असेल, तरी बोलायची काहीतरी पद्धत असते ना… हे खूपच दु:खद आहे. मला ते नाही आवडत.” दरम्यान, इतक्यावेळा लोकांनी ट्रोल करुनही अद्याप सचिन पिळगांवकर यांनी याबद्दल प्रतिक्रिया दिली नाही… (Bollywood News)
================================
हे देखील वाचा : Vicky Kaushal : ‘देशभक्ती हा कोणता फॉर्म्युला असू शकत नाही”
================================
लोकशाहीला दिलेल्या या मुलाखतीत क्रांतीने संतोष जुवेकरलाही ट्रोल करणाऱ्या लोकांना खडेबोल सुनावले… ‘छावा’च्या (Chhaava Movie) सेटवर माझ्याशिवाय विकी कौशलला (Vicky Kaushal) करमत नव्हतं असं विधान संतोषने केलं होतं… यावरुन प्रचंड ट्रोलिंगचा सामना करणाऱ्या संतोषची बाजू सावरत क्रांती रेडकरने नेमका संतोष माणूस म्हणून कसा आहे ते आपल्या मुलाखतीत लोकांसमोर रिव्हील केलं आहे… (Entertainment News In Marathi)
Get Latest Marathi Entertainment update | Movies Reviews in Marathi | Celebrities Update in Marathi
