I-Popstar या नव्या संगीत रिएलिटी शोची गेल्या बऱ्याच महिन्यांपासून जोरदार चर्चा होती… देशाच्या कानाकोपऱ्यातून सहभागी झालेल्या गायकांनी आपल्या मातृभाषेतील त्यांनी रचलेली गाणी सादर करणं असा या शोचा फॉरमॅट होता… दरम्यान, या I-Popstar च्या पहिल्या सीझनचा फिनाले नुकताच संपन्न झाला असून मराठमोळा रोहित राऊत या सीझनचा पहिला विजेता ठरला आहे… (Rohit Raut)
मराठी चित्रपटसृष्टीत गायक म्हणून आपलं स्थान निर्माण केल्यानंतर स्वत:ला आणखी एक आव्हान देत तो या रिअॅलिटी शोमध्ये सहभागी झाला होता… मिळालेल्या या संधीचं त्याने सोनं करत मराठी संगीताची ताकद देशभरात पोहोचवली आहे… सारेगमप लिटिल चॅम्पच्या पहिल्या पर्वातून प्रकाशझोतात आलेल्या रोहितने कोणतीही संधी, कोणताही स्टेज छोटा नसतो, स्पर्धा ही स्पर्धा असते हे आपल्या टॅलेंटने सिद्ध केलं आहे… (Entertainment News)
================================
हे देखील वाचा : “…म्हणून Rekha यांनी दिलेली साडी अजून नेसली नाही”; विशाखा सुभेदारने सांगितलं कारण
================================
दरम्यान, या स्पर्धेत मराठमोळी राधिका भिडे देखील स्पर्धक होती… परंतु, काही अंशी वरचढ ठरत रोहितने हे जेतेपद आपल्या नावावर केले आहे… 7,00,000 रुपयांचं बक्षिस आणि ट्रॉफी देत रोहितला गौरवण्यात आलं… १८ ऑक्टोबरपासून सुरू झालेल्या या शोमध्ये किंग, आस्था गिल, आदित्य रिखारी आणि परमिश वर्मा हे गायक परिक्षक करत होते. या शोमधील प्रत्येक स्पर्धकानं सोशल मीडियावर एक मोठा चाहतावर्ग निर्माण केला. मराठी, हिंदी, पंजाबी, गुजराती, भोजपुरी अशा विविध भाषांमध्ये गाणारे स्पर्धक मंचावर त्यांची स्वत:ची गाणी सादर करताना दिसले होते.
Get Latest Marathi Entertainment update | Movies Reviews in Marathi | Celebrities Update in Marathi
