मालिका केवळ करमणूक करत नाहीत, तर त्या समाजमनावर परिणाम घडवतात, अशी प्रेक्षकांची भावना आहे. त्यामुळेच मालिकेच्या कथानकात दाखवण्यात येणाऱ्या प्रत्येक प्रसंगांकडे आता अधिक गांभीर्याने पाहिलं जात आहे. याच पार्श्वभूमीवर सन मराठी वाहिनी वरील मी संसार माझा रेखिते (Sansar Majha Rekhite) या मालिकेचा अलीकडेच प्रदर्शित झालेला प्रोमो वादाच्या भोवऱ्यात सापडला आहे. (Me Sansar Maza Rekhite Serial)
या मालिकेतील एका दृश्यामुळे प्रेक्षक अस्वस्थ झाले आहेत. या प्रोमोमध्ये दाखवण्यात आलेल्या प्रसंगात घरगुती नातेसंबंधांतील तणाव अत्यंत टोकाच्या स्वरूपात मांडण्यात आला आहे. यात नायिकेने एका पाहुण्याचं केलेलं साधं कौतुक ही तिच्या पतीला सहन होत नाही आणि त्यानंतर तो रागाच्या भरात तिच्यावर अमानुष वर्तन करतो. तिच्या तोंडाला सरळ गरम दुधाचा टोप लावतो. या दृश्यातील हिंसाचार पाहून अनेकांनी तीव्र नाराजी व्यक्त केली आहे. (Me Sansar Maza Rekhite Serial)
=============================
=============================
या प्रोमोमध्ये दाखवण्यात आलेल्या प्रसंगामुळे सोशल मीडियावर प्रेक्षकांनी या प्रोमोवर नाराजी व्यक्त करत खुप संतप्त प्रतिक्रिया दिल्या आहेत. “आजच्या काळात महिलांना सक्षम दाखवण्याची गरज असताना अशा प्रकारे त्यांना असहाय दाखवणं चुकीचं आहे,” अशा प्रतिक्रिया मोठ्या प्रमाणावर या प्रोमोवर पाहायला मिळत आहेत. काहींनी तर हे दृश्य समाजासाठी घातक ठरू शकतं, असंही मत व्यक्त केलं आहे. (Me Sansar Maza Rekhite Serial)
प्रेक्षकांचं म्हणणं आहे की, मालिकांमधील प्रसंगांचा थेट परिणाम मानसिकतेवर होतो. आणि त्यामुळे हिंसाचाराचं उदात्तीकरण न करता जबाबदारीने कथानक मांडणं गरजेचं आहे. या प्रोमोमुळे निर्माते, दिग्दर्शक आणि वाहिनीवरही टीकेची झोड उठली असून, भविष्यात अशा आशयावर पुनर्विचार करावा, अशी मागणी प्रेक्षकांकडून केली जात आहे.
