एव्हाना मुंबईतील चित्रपट रसिकांच्या डोळ्यासमोर माटुंगा येथील अतिशय मोक्याच्या ठिकाणची अरोरा थिएटरची इमारत आणि ते खास करुन दक्षिण भारतीय प्रादेशिक भाषेतील चित्रपटांचे हक्काचे चित्रपटगृह याची आठवण आली असेलच. दक्षिणेकडील तेजुकाया पार्कच्या कांती महलसारखी इमारत हे अरोराचे वैशिष्ट्य. चित्रपटगृहाचं आपलं एक वेगळेपण असावे हे वैशिष्ट्य अनेक जुन्या सिंगल स्क्रीन थिएटर्सच्या बाबतीत जपलेले दिसेल.