महाराष्ट्राचे उपमुख्यमंत्री आणि अर्थमंत्री अजित पवार (Ajit Pawar) यांचं २८ जानेवारी २०२६ रोजी अपघाती निधन झालं. त्यांच्या अकाली एक्झिटमुळे संपूर्ण महाराष्ट्र सुन्न झाला आहे. सर्वसामान्य माणसांपासून ते कलाकारांपर्यंत सगळ्यांशी सलोख्याचे संबंध असणाऱ्या अजितदादांचं अकाली जाणं मनाला चका लावून गेलं आहे. अशातच ज्येष्ठ अभिनेते नाना पाटेकर आणि अजितदादा पवार यांचा खास फोटो नानांच्या मुलाने सोशल मिडियावर शेअर करत त्यांचे आजवर कधीही न पाहिलेले फोटो लोकांपर्यंत पोहोचवले आहेत.
नाना पाटेकरांचा लेक मल्हार पाटेकरने नाना (Nana Patekar) आणि अजितदादांचे फोटो शेअर केले असून यात अजितदादा नानांच्या गावी गेलेले दिसत आहेत. नानांचं जसं आपलं गाव, घर, शेती यात मन रमतं अगदी तेसच अजितदादा देखील होते. त्यांना गावाची विशेश ओढ होती. या फोटोंमध्ये नाना आणि अजितदादा घरच्या जेवणाचा आस्वाद घेताना आणि छान गप्पा मारताना दिसत आहेत.
नाना पाटेकर आणि अजितदादांचे हे फोटो शेअर करत मल्हारने कॅप्शन लिहिलं आहे की, “आदरणीय अजितदादा पवार साहेब यांचे निधन ही आमची वैयक्तिक हानी आहे. ते आमच्यासाठी कुटुंबासारखे होते आणि आयुष्यभर तसेच राहतील. त्यांच्यासोबतच्या आठवणी अविस्मरणीय आहेत, त्यामुळे हे कधीही भरून न येणारे नुकसान आहे.” या फोटोंवर लोकांनी कमेंट्स करुन अजितदादांना श्रद्धांजली वाहिली आहे.
================================
================================
दरम्यान, नाना पाटेकरांच्या कामाबद्दल बोलायचं झालं तर लवकरच ते शाहिद कपूच्या ‘ओ रोमिओ’ (O Romeo) चित्रपटात दिसणार आहेत. विशाल भारद्वाज यांचं दिग्दर्शन असणाऱ्या या चित्रपटात तृप्ती डिमरी, विक्रांत मेस्सी, फरिदा जलाल असे बरेच कलाकार दिसणार आहेत…
Get Latest Marathi Entertainment update | Movies Reviews in Marathi | Celebrities Update in Marathi
