छत्रपती शिवाजी महाराज हे केवळ पराक्रमी योद्धे नव्हते, तर दूरदृष्टी असलेले अत्यंत कुशल रणनीतीकार होते. स्वराज्य उभारताना त्यांनी तलवारीइतकाच मेंदूचा वापर केला आणि त्यांची मुत्सद्देगिरी अनेक ऐतिहासिक प्रसंगांतून ठळकपणे दिसून येते. योग्य वेळी योग्य निर्णय घेणे, शत्रूच्या ताकदीचा अचूक अंदाज बांधणे आणि प्रसंगानुरूप योजना आखणे, हे त्यांच्या नेतृत्वाचे वैशिष्ट्य होते. गनिमी काव्याची रणनिती ही महाराजांची ओळख बनली. शत्रूला नकळत गाठून त्याला धक्का देणे आणि कमी नुकसानात मोठे यश मिळवणे, या पद्धतीत महाराज निष्णात होते. त्या काळातील सर्वात बलाढ्य मानल्या जाणाऱ्या मुघल सत्तेलाही त्यांनी हादरवून सोडले. विशेषतः औरंगजेबाच्या दरबारात निर्भयपणे उभं राहणं आणि आग्रा स्वारीसारखा धाडसी निर्णय घेणं, हा स्वराज्याच्या इतिहासातील अतिशय महत्त्वाचा टप्पा मानला जातो.(Ranpati Shivray: Swari Agra Teaser)
हा थरारक आणि प्रेरणादायी प्रसंग आता भव्य चित्रपटाच्या माध्यमातून प्रेक्षकांसमोर येणार आहे. ‘रणपति शिवराय: स्वारी आग्रा’ (Ranpati Shivray: Swari Agra) हा चित्रपट शिवजयंतीच्या मुहूर्तावर, म्हणजेच १९ फेब्रुवारी रोजी प्रदर्शित होणार असून, त्याचा टिझर नुकताच समोर आला आहे. या टिझरमधून मुघल सत्तेच्या कठोर पहाऱ्यातून महाराजांनी घेतलेली धाडसी झेप, दरबारातील तणावपूर्ण क्षण आणि राजांची असामान्य बुद्धिमत्ता यांची झलक पाहायला मिळते.
हा चित्रपट लेखक-दिग्दर्शक दिग्पाल लांजेकर (Digpal Lanjekar) यांच्या ‘श्री शिवराज अष्टक’ या महत्त्वाकांक्षी संकल्पनेतील पुढचा टप्पा आहे. ऐतिहासिक घटनांना भव्यतेसह मांडण्याची त्यांची शैली याआधीही प्रेक्षकांनी अनुभवली आहे. पॅनोरमा स्टुडिओज आणि मुगाफी यांच्या संयुक्त निर्मितीत साकारलेल्या या चित्रपटाची निर्मिती अनुभवी टीमने केली आहे.(Ranpati Shivray: Swari Agra Teaser)
=============================
=============================
अत्यंत प्रतिकूल परिस्थितीतही न डगमगता स्वराज्यासाठी लढणाऱ्या छत्रपती शिवाजी महाराजांच्या धैर्याची आणि बुद्धीचातुर्याची साक्ष देणारा हा इतिहासातील सोनेरी अध्याय, मोठ्या पडद्यावर जिवंत करण्याचा आनंद निर्मात्यांनी व्यक्त केला आहे. जागतिक स्तरावर या चित्रपटाचं वितरण पॅनोरमा स्टुडिओजकडून करण्यात येणार आहे.
