मराठी बिग बॉसचं सहावं सीझन सध्या तुफान गाजतंय. पण खरी रंगत तर राखी सावंत हिने घरात वाईल्ड कार्ड एन्ट्री घेतल्यानंतर आली आहे. घरात येताच तिने रुचिता जामदार आणि तन्वी कोलते यांना टार्गेट केलं. आणि आता कॅप्टन सागर कारंडे आणि तिच्यात जोरदार भांडण झालं असून तिने घरातील काही सामानांची मोडतोड करत बिग बॉसच्या घरातील नियमांचं उल्लंघन केलं आहे. नेमकी काय घडलं आहे जाणून घेऊयात… (Marathi Big Boss Season 6)
घरातील साफसफाईवरुन राखी सावंत आणि सागर कारंडे यांच्यात वाद झाला आहे. सोशल मिडियावर प्रोमो रिलीज केला असून यात दिसतं की, बाथरूममध्ये जमा झालेली घाण राखी सागरला दाखवते आणि हे स्वच्छ करा असंही सांगते. पण सागर साफसफाई करण्यास तिला नकार देतो. तो कॅप्टन असल्यामुळे खरं तर राखी त्याला सांगते पण त्यावरुन नवा ड्रामा तयार होतो. (Rakhi Sawant)
सागर राखीला म्हणतो की, “तू मला सांगू नकोस…मी वॉचमन नाहीये. मी साफ करणार नाही” यानंतर राखी त्य़ाच्यावर भडकून म्हणते, “हे तुम्हाला करावं लागेल…आम्ही पण जेवण बनवतो ना..ते खाता ना तुम्ही? मग नाटकं का करताय?” असं बोलून राखी वॉशरूम एरियाच्या बाहेर येते आणि रागात किचनमध्ये येऊन काचेची वस्तू फोडते. ‘बिग बॉस’च्या घरातील कोणतीही वस्तू फोडणं हा महत्वाचा नियमभंग आहे. त्यामुळे राखीने प्रॉपर्टी फोडल्यावर आता घरात हायवॉल्टेज ड्रामा होणार हे फिक्स आहे. (Sagar Karande)
================================
================================
दरम्यान, जरा फिका पडत चाललेला हा सहावा सीझन राखी सावंतने आपल्या येण्याने चांगलाच रंगवला आहे. नेटकरी देखील राखीच्या खेळाचं कौतुक सोशल मिडियावर करत आहेत. “राखीने गेम एका वेगळ्या उंचीवर नेऊन ठेवलाय…जे कॅमेऱ्यासमोर येत नव्हते ते सुद्धा शोमध्ये दिसू लागलेत”, “राखीमुळे बिग बॉस पाहायला मजा येतेय”, “राखी बोलते सबको कोलते”, “वाह एक नंबर आता खरी मजा येणार शो पाहायला”, “राखी आली तेव्हापासून शो वेगळ्याच लेव्हलला गेलाय”, “राखीने वाट लावलीये सर्वांची” अशा प्रतिक्रिया प्रेक्षकांकडून येत आहेत. (Marathi Trending News)
Get Latest Marathi Entertainment update | Movies Reviews in Marathi | Celebrities Update in Marathi
