‘बिग बॉस मराठी 6’ (Bigg Boss Marathi ) सुरू झाल्यापासून घरात सतत नवे ट्विस्ट आणि वाद पाहायला मिळत आहेत. मात्र या सीझनला अपेक्षित प्रतिसाद मिळत नसल्याची चर्चा सोशल मीडियावर रंगली आहे. वाइल्ड कार्ड एंट्रीतून राखी सावंत घरात दाखल झाल्यानंतर शोबद्दलची उत्सुकता पुन्हा वाढली होती. पण नुकत्याच समोर आलेल्या प्रोमोमुळे प्रेक्षकांमध्ये संतापाची लाट उसळली आहे.नव्या प्रोमोमध्ये घरातील एक प्रसंग दाखवण्यात आला आहे. राखी, तन्वीला विचारते, हा कुठला डान्स आहे? त्यावर तन्वी शांतपणे उत्तर देते, “त्याला विचार ना.” यानंतर वातावरण अचानक बदलताना दिसतं. राकेश तन्वीला किस करताना दिसतो. इतकंच नव्हे तर तो राखीसमोर पुन्हा तिला किस करतो. (Bigg Boss Marathi 6)
हा प्रसंग पाहून राखी अस्वस्थ झालेली दिसते. ती संतापाच्या भरात म्हणते, “माझा परिणाम बघा” आणि स्वतःचे केस कापायला सुरुवात करते. हा क्षण घरातील सदस्यांसाठीही धक्कादायक ठरतो.राकेश आणि तन्वी तिला थांबवण्याचा प्रयत्न करत विचारतात, “राखी तू हे काय करते आहेस?” त्यावर राखी भावुक होत म्हणते, “राकेश मी शिक्षा देते आहे. कुणी मला दुखवू शकत नाही, मी स्वत:च मला हर्ट करू शकते.” आणि ती रडू लागते. प्रोमोच्या शेवटी तिच्या रडण्याचा आवाज ऐकू येतो.
या घटनेनंतर घरात तणावपूर्ण वातावरण निर्माण झालेलं दिसतं. काही सदस्य अवाक् होतात, तर काही जण राखीला सावरण्याचा प्रयत्न करताना दिसतात. हा प्रसंग केवळ स्पर्धकांसाठीच नव्हे तर प्रेक्षकांसाठीही अनपेक्षित होता. प्रोमो समोर आल्यानंतर सोशल मीडियावर विविध प्रतिक्रिया उमटल्या. “अरे देवा काय रे हे”, “लेव्हल सोडली शोने” अशा कमेंट्स मोठ्या प्रमाणात पाहायला मिळत आहेत. काहींनी हा प्रकार अनावश्यक आणि अति नाट्यमय असल्याचं मत व्यक्त केलं आहे. (Bigg Boss Marathi 6)
=======================================
=======================================
या सगळ्या घडामोडींमुळे शोला चर्चेचा विषय नक्कीच मिळाला आहे. मात्र हा ड्रामा टीआरपीसाठी फायदेशीर ठरेल की उलट प्रेक्षक दुरावतील, हे पुढील भागांत स्पष्ट होईल.
