महाराष्ट्राचे लाडके उपमुख्यमंत्री अजित पवार यांचं २८ जानेवारी २०२६ रोजी अपघातात निधन झालं. त्यांच्या निधनामुळे संपूर्ण महाराष्ट्रातील जनता शोकाकूल झाली आहे. राज्यभरातील त्यांचे कार्यकर्ते, केंद्रातील नेते, आमदार-खासदारांसह सामान्य नागरिक अजितदादांना श्रद्धांजली वाहात आहेत. याच पार्श्वभूमीवर मराठी कलाकारांनी देखील अजित पवारांच्या निधनावर शोक व्यक्त करत भावपूर्ण आदरांजली वाहिली आहे. (DCM Ajit Pawar Death)
अजित पवारांना श्रद्धांजली वाहात मराठी गायक सलील कुलकर्णीने भावुक पोस्ट शेअर करत लिहिलं आहे की, “विश्वासचं बसत नाहीये…अजितदादा” तर, “ही गोष्ट स्वीकारणं अत्यंत कठीण आहे…अजित दादा तुमच्याशिवाय महाराष्ट्राचं राजकारण अपूर्ण आहे…भावपूर्ण श्रद्धांजली”, अशी सायली संजीवने पोस्ट केली आहे. बारामतीचा अभिनेता वैभव चव्हाणने “अजित दादा… मोठं नुकसान झालं” अशी पोस्ट शेअर करत अजित पवारांच्या निधनावर शोक व्यक्त केला आहे. (Sayali Sanjeev & Saleel Kulkarni)
तर, अभिनेता-दिग्दर्शक हेमंत ढोमे याने पोस्ट केली आहे की, “माझे अत्यंत लाडके नेते, महाराष्ट्राचे लोकनेते आणि लोकप्रिय उपमुख्यमंत्री व अर्थमंत्री अजितदादा यांच्या विमान अपघातामुळे झालेल्या निधनाचे वृत्त धक्कादायक आहे. हे महाराष्ट्राचे कधीही न भरुन येणारे नुकसान आहे. महाराष्ट्राच्या प्रशासनावर घट्ट पकड असलेला अॅडमिनिस्ट्रेटर गेला. लोकांचं काम करणारा माणूस गेला. अलविदा दादा! भावपूर्ण श्रद्धांजली”. (Hemant Dhome)
सुबोध भावेने लिहिले आहे की, “अजित दादा, महाराष्ट्राच्या राजकारणातील तुम्ही एक विलक्षण व्यक्तिमत्व होतात. तुम्ही खुप आवडायचा. तुमची काम करण्याची पद्धत, तुमचा हजरजबाबीपणा तसेच तुमची सर्वसामान्य माणसांशी थेट त्यांच्या भाषेत संवाद साधण्याची पद्धत, छोट्या छोट्या गोष्टींमध्ये तुमचं असलेलं लक्ष हे सर्व आवडायचं. दादा तुमची उणीव कायम भासत राहील. तुमच्याशी झालेल्या भेटी कायम स्मरणात राहती. दादा तुम्ही कायम आठवत राहाल”. (Subodh Bhave)
सुनील बर्वेंनी “अजित दादा, फारंच चटका लावू गेलात”, असं लिहिलं आहे. तर, स्वप्निल जोशीने “महाराष्ट्राच्या राजकारणात तुमचं स्थान वेगळं आणि उठून दिसणारं होतं आणि कायम राहिल. तुमचा साधेपणा, काम करण्याची तुमची तळमळ, मनाला भिडणारी होती. सामान्य माणसांशी त्यांचा आपलं करुन संवाद साधण्याचं तुचं कसब खरोखर दुर्मिळ होतं”, असं लिहिल श्रद्धांजली वाहिली आहे. (Sunil Barve & Swapnil Joshi)
Get Latest Marathi Entertainment update | Movies Reviews in Marathi | Celebrities Update in Marathi
