बॉलिवूडमध्ये बऱ्याच विनोदी चित्रपटांच्या फ्रेंचायझीमध्ये धमाल चित्रपटाची फ्रेंचायझी विशेष गाजली. २००७ मध्ये आलेल्या ‘धमाल’ (Dhamaal Movie) चित्रपटाने एकामागून एक असे ३ भाग आले. आणि आता लवकरच प्रेक्षकांना खळखळून हसवण्यासाठी धमाल ४ आपल्या भेटीला येणार आहे. सुरुवातीला हा चित्रपट १९ मार्च २०२६ रोजी रिलीज होणार असं सांगण्यात आलं होतं. मात्र आता, अजय देवगण, रितेश देशमुख यांच्या ‘धमाल ४’ (Dhamaal 4) चित्रपटाची नवी रिलीज डेट समोर आली आहे. जाणून घेऊयात त्याबद्दल… (Bollywood Movies 2026)
बॉलिवूडमधला बिग बजेट आणि मल्टी स्टारकास्ट असणारा ‘धमाल ४’ चित्रपट १९ मार्चला रिलीज होणार होता. मात्र, रणवीर सिंगच्या ‘धुरंधर २’ (Dhurandhar 2) आणि यशच्या ‘टॉक्सिक’ (Toxic) चित्रपटामुळे आता रिलीज डेट बदलण्यात आली आहे. ‘धमाल ४’ चित्रपट ३ जुलै २०२६ रोजी देशभरात रिलीज होणार आहे. प्रेक्षकांना आधीच्या ‘धमाल’ चित्रपटांप्रमाणेच याही भागात हास्याचे फवारे अनुभवायला मिळणार आहेत. (Dhamaal 4 release date)
‘धमाल ४’ मध्ये पुन्हा एकदा जुनी ‘मित्रांची गँग’ धमाल करताना दिसणार आहे. अजय देवगण, रितेश देशमुख, अर्शद वारसी, जावेद जाफरी आणि संजय मिश्रा यांच्या महत्त्वाच्या भूमिका चित्रपटात असून रवी किशन विलनच्या भूमिकेत दिसणार आहे. तर, ईशा गुप्ता, संजीदा शेख, अंजली आनंद आणि उपेंद्र लिमये हे कलाकारही यात झळकणार आहेत. इंद्र कुमार यांचं दिग्दर्शन असणारा हा विनोदी चित्रपट ‘स्लॅपस्टिक कॉमेडी’चं उत्तम उदाहरण नक्कीच आहे. (Dhamaal 4 movie cast)
================================
================================
२००७ मध्ये आलेल्या ‘धमाल’ चित्रपटाचं बजेट १७ कोटी होतं आणि या भागाने ५१.३० कोटी वर्ल्डवाईड कमावले होते. त्यानंतर २०११ मध्ये आलेल्या ‘डबल धमाल’चं बजेट ३० कोटी होतं आणि या भागाने जगात ७१ कोटी कमावले होते. तर, २०१९ मध्ये आलेल्या ‘टोटल धमालने ११० कोटींच्या बजेटमध्ये २३२.१८ वर्ल्डवाईट बॉक्स ऑफिस कलेक्शन केलं होतं. त्यामुळे आता ‘धमाल ४’ कडून प्रेक्षकांच्या अपेक्षा फारच वाढल्या आहेत. (Dhamaal Movie Box Office Collections)
Get Latest Marathi Entertainment update | Movies Reviews in Marathi | Celebrities Update in Marathi
