मराठी टेलिव्हिजनवरील विनोदी कार्यक्रमांमध्ये आपली वेगळी ओळख निर्माण करणारा महाराष्ट्राची हास्यजत्रा (Maharashtrachi Hasyajatra) हा शो प्रेक्षकांचा लाडका बनला आहे. कुटुंबासोबत निवांत वेळ घालवताना हसण्याचा आनंद देणारा हा कार्यक्रम दर आठवड्याला नवीन स्किट्स आणि भन्नाट परफॉर्मन्ससह प्रेक्षकांना खिळवून ठेवतो.(Nirmiti Sawant in Maharashtrachi Hasyajatra)
या आठवड्यातील भाग विशेष ठरणार आहे, कारण रंगमंचावर एक अनुभवी आणि लोकप्रिय अभिनेत्री आपल्या खास शैलीत प्रेक्षकांना हसवण्यासाठी सज्ज आहे. निर्मिती सावंत (Nirmiti Sawant ) यांचा दमदार परफॉर्मन्स यावेळी पाहायला मिळणार आहे. त्यांच्या उपस्थितीमुळेच या भागाबद्दलची उत्सुकता प्रेक्षकांमध्ये अधिक वाढली आहे. ‘मॅरेज फोटो अल्बम’ या स्किटमध्ये निर्मिती सावंत सोबत पृथ्वीक प्रताप (Prithvik Pratap) आणि वनिता खरात (Vanita Kharat) हे कलाकारही झळकणार आहेत. या तिघांच्या एकत्रित परफॉर्मन्समुळे स्किटमध्ये हशा, टायमिंग आणि एनर्जीचा उत्तम संगम पाहायला मिळणार आहे.
निर्मिती सावंत यांची कॉमिक टाइमिंग आणि संवादफेक ही त्यांची खास ओळख आहे. त्यांच्या अभिनयातली सहजता आणि प्रेक्षकांशी जोडून घेण्याची शैली त्यांना इतरांपेक्षा वेगळं बनवते. त्यांनी मराठी रंगभूमी आणि चित्रपटांमधून अनेक वर्षे प्रेक्षकांचे मनोरंजन केले आहे आणि आजही त्यांचा तोच जादुई प्रभाव कायम आहे. विशेष म्हणजे, ज्या काळात विनोदी क्षेत्रात महिला कलाकारांची उपस्थिती मर्यादित होती, त्या काळात निर्मिती सावंत यांनी आपल्या प्रतिभेच्या जोरावर एक वेगळी ओळख निर्माण केली. त्यांच्या कामामुळे अनेक नवोदित कलाकारांना प्रेरणा मिळाली आहे.(Nirmiti Sawant in Maharashtrachi Hasyajatra)
============================
============================
या भागात ‘मॅरेज फोटो अल्बम’ या स्किटच्या माध्यमातून नातेसंबंध, विनोद आणि हलक्या फुलक्या प्रसंगांचा सुरेख मिलाफ पाहायला मिळणार आहे. त्यामुळे हा भाग प्रेक्षकांसाठी नक्कीच खास ठरणार आहे. हास्य आणि मनोरंजनाचा हा खास अनुभव चुकवू नका ‘महाराष्ट्राची हास्यजत्रा’ हा शो दर सोमवार आणि मंगळवारी रात्री ९ वाजता सोनी मराठो (Sony Marathi) वर पाहायला मिळतो.
