रणबीर कपूर आणि साई पल्लवी यांची प्रमुख भूमिका असणाऱ्या ‘रामायण’ चित्रपटाची सध्या सगळीकडे चर्चा आहे… जवळपास ४००० कोटींचं बजेट असणाऱ्या या चित्रपटात बऱ्याच कलाकारांची वर्णी लागली आहे.. काही कलाकारांची नावं फिक्स आहेत तर काहींची नावं यात जोडली जात आहेत… अशातच अभिनेता विक्रात मेस्सी रामायण मध्ये त्याला राघव जुयालने रिप्लेस केल्याच्या बातमीवरुन संतापला आहे… नेमकं काय आहे प्रकरण जाणून घेऊयात…
तर, नितेश तिवारी दिग्दर्शित ‘रामायण: भाग-१’ मोठ्या स्टारकास्टमुळे सतत चर्चेत आहे. याच दरम्यान, अभिनेता राघव जुयालने विक्रांत मॅस्सीला चित्रपटातून रिप्लेस केल्याच्या बातम्या आल्या होत्या. या रिप्लेसमेंटच्या बातम्यांवर आता विक्रांत मॅस्सीने मौन सोडले आहे. तो म्हणाला की, मी कधीच ‘रामायण’ चित्रपटाचा भाग नव्हतो… त्याने पोस्ट करत लिहिलं आहे की, “ठीक आहे, सर्व काही स्पष्ट करण्यासाठी मला सांगायचे आहे की मी कधीही या चित्रपटाचा भाग नव्हतो. मी नाही, आणि कधीच नव्हतो. इतके बेजबाबदार मीडिया कव्हरेज, तेही ‘प्रतिष्ठित’ म्हणवल्या जाणाऱ्या मीडिया हाऊसेसकडून, खरोखरच आश्चर्यकारक आहे.’ पुढे विक्रांतने लिहिले आहे की, तरीही, रामायण चित्रपटासाठी सर्वांना खूप खूप शुभेच्छा. मी नक्कीच तिकीट विकत घेऊन तो चित्रपटगृहात पाहायला जाईन.” (Ramayana Movie)
दरम्यान, अलीकडेच काही मीडिया रिपोर्ट्समध्ये असा दावा करण्यात आला होता की नितेश तिवारीच्या रामायण चित्रपटात राघव जुयाल लंकेश रावण म्हणजेच यशचा मुलगा मेघनाद (इंद्रजीत)ची भूमिका साकारणार आहे. परंतु, विक्रांत या चित्रपटाचा भाग नसल्याचं आता त्यानेच स्पष्ट केलं आहे… (Raghav Juyaal)
================================
हे देखील वाचा : ४००० कोटींच्या Ramayanaची धुरा ‘या’ मराठी माणसावर!
================================
रामायण हा दोन भागांमध्ये रिलीज होणार असून २०२६ आणि २०२७ च्या दिवाळीत हे दोन भाग रिलीज होणार आहेत. रणबीर कपूर, साई पल्लवी, यश, सनी देओल, रवी दुबे यांच्या प्रमुख भूमिका असणाऱ्या या चित्रपटात काजल अग्रवाल, रकुल प्रीत सिंग देखील झळकणार आहेत. (Nitesh Tiwari’s Ramayana)
Get Latest Marathi Entertainment update | Movies Reviews in Marathi | Celebrities Update in Marathi
