सगळीकडे जवळपास दीड महिन्यापेक्षा जास्त काळ एकाच चित्रपटाची जोरदार चर्चा आहे आणि तो म्हणजे रणवीर सिंगचा ‘धुरंधर’ (Dhurandhar)… आदित्य धर दिग्दर्शित हा चित्रपट ५ डिसेंबर २०२५ रोजी रिलीज झाला होता. आणि अजूनही देशासह जगभरात हा चित्रपट प्रेक्षकांचं तुफान मनोरंजन करत आहे… नुकताच हा चित्रपट नेटफ्लिक्स या ओटीटी वहिनीवर रिलीज झाला असून या चित्रपटाने बरेच नवे रेकॉर्ड आपल्या नावे केले आहेत… (Bollywood News)
खरं तर, ‘धुरंधर’ रिलीज होण्यापूर्वीच सत्य घटनांवर आधारित याची कथा असल्यामुळे विशेष चर्चेत होता. आणि रिलीजनंतर भारतीय स्पाय, भारतात झालेले दहशतवादी हल्ले याचं जे काही चित्रण दाखवलं त्यामुळे लोकं गांगरुन गेली. आता या चित्रपटाने जगभरात एक नवा रेकॉर्ड केला आहे. तो म्हणजे ५६ दिवस जगभरातील विविध थिएटर्समध्ये या चित्रपटाचे सलग शो सुरु आहेत. तसेच, जगभरात सर्वाधिक कमाई करणारा हा चौथा भारतीय चित्रपट ठरला आहे. (Dhurandhar movie records)
इतकंच नाही. तर ‘धुरंधर’ चित्रपट भारतीय चित्रपटसृष्टीच्या इतिहासातील सर्वाधिक कमाई करणारा पहिला चित्रपट ठरला असून बॉलिवूडमध्ये ८०० कोटी क्लबची सुरुवात त्याने केली आहे. तसेच, धुरंधरने शाहरुख खानच्या ‘जवान’, ‘पठाण’, तसेच विकी कौशलचा गाजलेला ‘छावा’, याबरोबरच श्रद्धा कपूरच्या ‘स्त्री २’ (Stree 2) या सर्व चित्रपटांना मागे टाकले आहे.
================================
================================
‘धुरंधर’ने भारतात आत्तापर्यंत ८३५.८५ कोटींची कमाई केली आहे. तर, जगात या चित्रपटाने १४२८ कोटींची कमाई करत नवा रेकॉर्ड केला आहे. शाहरुख खानच्या ‘जवान’ला मागे टाकले असून हिंदीमध्ये डब झालेल्या ‘पुष्पा २’च्या कमाईला देखील ‘धुरंधर’ने धुळ चारली आहे. तसेच, धुरंधर’ने बॉक्स ऑफिसवर दुसऱ्या आठवड्यात २५३.२५ कोटी रुपयांची कमाई केली असून त्याची कमाई पहिल्या आठवड्यापेक्षा अधिक आहे. तर, ग्लोबली ‘आरआरआर’ला देखील धुरंधरने मागे टाकलं आहे. (Dhurandhar Box Office Collection)
Get Latest Marathi Entertainment update | Movies Reviews in Marathi | Celebrities Update in Marathi
