भारतीय मनोरंजन विश्वात रिअॅलिटी शोची लोकप्रियता दिवसेंदिवस वाढत चालली आहे. प्रेक्षकांना थेट जोडणारे, नाट्य, भावना आणि अनपेक्षित घडामोडींनी भरलेले कार्यक्रम नेहमीच आकर्षणाचा केंद्रबिंदू ठरतात. अशाच कार्यक्रमांमध्ये आपला वेगळा ठसा उमटवणारा बिग बॉस मराठी (Bigg Boss Marathi) सध्या चर्चेच्या शिखरावर पोहोचला आहे. अलीकडील आकडेवारीनुसार, या आठवड्यात ‘बिग बॉस मराठी’ने सर्वाधिक दर्शकसंख्या मिळवत महाराष्ट्रातील क्रमांक १ रिअलिटी शो होण्याचा मान पटकावला आहे. प्रेक्षकांकडून मिळणारा भरभरून प्रतिसाद आणि सातत्याने वाढणारी लोकप्रियता हीच या यशामागची खरी ताकद असल्याचं स्पष्ट दिसून येत आहे.(Bigg Boss Marathi)
या यशामागे मोठं योगदान आहे ते Endemol Shine India या निर्मिती संस्थेचं. बानिजय समूहाचा भाग असलेल्या या संस्थेने जागतिक स्तरावर गाजलेल्या फॉरमॅट्सना भारतीय प्रेक्षकांच्या आवडीनुसार सादर करत एक वेगळी ओळख निर्माण केली आहे. कथा आणि मनोरंजनाच्या माध्यमातून संस्कृती आणि पिढ्यांमधील अंतर कमी करण्याचा त्यांचा दृष्टिकोन या कार्यक्रमांमधून स्पष्टपणे जाणवतो. सध्या ‘बिग बॉस मराठी’चा सहावा सीझन सुरू असून, त्याचं सूत्रसंचालन रितेश देशमुख (Riteish Deshmukh) करत आहे. त्याच्या खास शैली, विनोदबुद्धी आणि स्पर्धकांशी असलेल्या संवादामुळे शोला एक वेगळीच उंची मिळाली आहे. त्यामुळेच प्रत्येक भाग प्रेक्षकांसाठी अधिक रंजक ठरत आहे.
‘बिग बॉस’ हा फॉरमॅट केवळ भारतातच नाही, तर जगभरात लोकप्रिय आहे. भारतातही हा शो विविध भाषांमध्ये सादर करण्यात आला असून, अनेक सीझन्समध्ये त्याने यशाची नोंद केली आहे. स्थानिक प्रेक्षकांच्या मानसिकतेनुसार आणि संस्कृतीनुसार केलेले बदल हेच या शोच्या यशाचं मुख्य कारण मानलं जातं. याशिवाय, Banijay Asia या संस्थेने गेल्या काही वर्षांत वेब सिरीज, फिक्शन आणि रिअॅलिटी या सर्वच क्षेत्रांत प्रभावी कामगिरी केली आहे. ‘The Night Manager’, ‘The Trial’, ‘Hostages’, ‘Call My Agent: Bollywood’ यांसारख्या रूपांतरांपासून ते ‘Dahan’, ‘Undekhi’ यांसारख्या ओरिजिनल कंटेंटपर्यंत विविध प्रकारच्या प्रोजेक्ट्समधून त्यांनी प्रेक्षकांचं लक्ष वेधून घेतलं आहे.(Bigg Boss Marathi)
============================
============================
रिअॅलिटी शोच्या बाबतीतही ‘MTV Roadies’, ‘The Voice’, ‘Fear Factor: Khatron Ke Khiladi’ आणि ‘MasterChef India’ यांसारख्या कार्यक्रमांनी प्रेक्षकांमध्ये वेगळी ओळख निर्माण केली आहे. या सर्व अनुभवाच्या जोरावर ‘बिग बॉस मराठी’सारख्या कार्यक्रमांना सातत्याने यश मिळत आहे. एकंदरीत, ‘बिग बॉस मराठी’चा हा नवा विक्रम केवळ एका शोचं यश नसून, भारतीय मनोरंजन क्षेत्रातील जागतिक दर्जाच्या फॉरमॅट्सना स्थानिक स्पर्श देण्याच्या क्षमतेचं उत्तम उदाहरण आहे. येणाऱ्या काळातही हा शो प्रेक्षकांचं असंच भरभरून मनोरंजन करत राहील, अशी अपेक्षा व्यक्त केली जात आहे.
