बिग बॉस मराठीच्या सातव्या आठवड्याला सुरुवात झाली आहे. सहाव्या आठवड्यात कॅप्टन्सी टास्क जिंकून तन्वी कोलते (Tanvi Kolte) या आठवड्यात एलिमिनेशनपासून सेफ झाली आहे. प्राजक्ता शुक्रे आणि अनुश्री माने यांना पॉवर की मागच्या आठवड्यात मिळाली होती. परंतु, प्रभू शेळकेने चालाखीने प्राजक्ताची चावी चोरत तिच्या पॉवर्स आपल्या हातात घेतल्या आणि या आठवड्यात एलिमिनेशनपासून तो सेफ झाला. आता घरातील इतर सदस्यांना एलिमिनेशन टास्क खेळायचा आहे. अनुश्रीनंतर आता या खेळात चक्क रुचिता जामदार देखी टोळीच्या विरोधात गेलेली दिसली. काय घडलं आहे जाणून घेऊयात… (Big Boss Marathi Season 6)
तर, कलर्स मराठीने शेअर केलेल्या प्रोमोमध्ये घरात एलिमिनेशनटा टास्क रंगला होता. प्रोमोमध्ये स्पष्टपणे दिसतं आहे की रुचिताच्या गळ्यात राकेशचा फोटो आहे तर, दिपालीच्या गळ्यात रुचिताचा. राकेश व दिपाली यांची पहिल्यापासून चांगली मैत्री आहे. यामुळेच रुचिता आणि दिपालीची डील झालेली दिसते. बजर वाजल्यानंतर सदस्यांना त्यांच्या गळ्यात ज्या सदस्याचा फोटो आहे त्याला नॉमिनेट करण्यासाठी धावून घोड्यावर बसायचं असतं, पण रुचिताच्या गळ्यात राकेश बापटचा फोटो असूनही ती पळत नाही. (Ruchita Jamdar)
रुचिता राकेशला नॉमिनेट का करत नाहीये याबद्दल विशाल तिला जाब विचारतो. पण, रुचिता स्वत:ला सेफ करण्यासाठी ( कारण रुचिताचा फोटो दिपालीच्या गळ्यात आहे ) या कार्यात अजिबात सहभागी होत नाही. यानंतर प्राजक्ता, सागर, विशाल सगळेजण रुचिताला “तू दिलेला शब्द मोडतेयस” याबाबत टोमणे मारतात. यावर, रुचिता स्पष्टपणे सांगते, “मला या क्षणाला टोळी-काटा ग्रुप वगैरे काहीच फरक पडत नाहीये. मी स्वत:साठीच खेळणार”. आता विशाल आणि रुचितामध्येही फुट पडणार का हे पाहणं महत्वाचं असणार आहे. (Vishal Kotian)
================================
================================
टास्कमध्ये कुणाच्या गळ्यात कुणाचा फोटो आहे जाणून घेऊयात
सागर – दिपालीचा फोटो, राकेश – रोशनचा फोटो, रुचिता – राकेशचा फोटो, दिपाली – रुचिताचा फोटो, विशाल – सागरचा फोटो, प्राजक्ता – विशालचा फोटो, राखी – प्राजक्ताचा फोटो, रोशन – राखीचा फोटो (Raquesh Bapat)
Get Latest Marathi Entertainment update | Movies Reviews in Marathi | Celebrities Update in Marathi
