मराठी चित्रपटसृष्टीतून येत असलेला ‘सालबर्डी’ (Salbardi)हा चित्रपट गावातील राजकारण आणि रहस्यमय घटनांवर आधारित थरारक कथा प्रेक्षकांसमोर घेऊन येतो. गावातील सरपंच आणि उपसरपंच यांच्यातील नोक-झोक, टोलेबाजी आणि सामंजस्याचा संगम या चित्रपटाचे मुख्य आकर्षण आहे. गावातील पार्श्वभूमीवर रचलेली कथा शशांक शेंडे (Shashank Shende) सरपंच गणपत पाटील आणि ओंकार भोजने (Onkar Bhojane) उपसरपंच मुकिंदा थोरात यांच्या दमदार जुगलबंदीभोवती फिरते. त्यांच्या संवादांमधील चुरस, एकमेकांवरील टोलेबाजी आणि गावातील राजकारणातील रंगत कथेला वेगळाच उलगडा देते. या भूमिकांमुळे प्रेक्षकांना थरारक पण विनोदी अनुभव मिळणार आहे.(Salbardi Marathi Movie)
शशांक शेंडे या भूमिकेबद्दल म्हणाले की, “सालबर्डीची कथा रहस्यमय असून गावातील राजकारण आणि नात्यांचा गुंता यामध्ये प्रेक्षकांना पाहायला मिळेल. ओंकारसोबत केलेले संवाद आणि ट्युनिंग पडद्यावर खास रंग भरणार आहेत.” तर ओंकार भोजने यांनी आपल्या भूमिकेबद्दल सांगितले, “उपसरपंच मुकिंदा थोरात ही भूमिका खूपच रंगतदार आहे. शशांक सरांसारख्या अनुभवी कलाकारासोबत काम करण्याचा अनुभव अनमोल आहे आणि प्रेक्षकांना ही जुगलबंदी नक्कीच आवडेल.”
चित्रपटातील कथा महाराष्ट्रातील दुर्गम ‘सालबर्डी’ गावात घडणाऱ्या रहस्यमय आणि अस्वस्थ करणाऱ्या घटनांचा शोध घेते. नेब्यूला फिल्म्सच्या बॅनरखाली निर्माण झालेला हा चित्रपट अनिल देवडे पाटील, डॉ. गजानन जाधव आणि राम जाधव यांनी निर्मिती केला असून दिग्दर्शनाची जबाबदारी रमेश साहेबराव चौधरी यांनी पार पाडली आहे.(Salbardi Marathi Movie)
=============================
=============================
शशांक शेंडे आणि ओंकार भोजने यांसह पूजा सावंत (Pooja Sawant), भारत गणेशपुरे (Bharat Ganeshpure), अंशुमन विचारे (Anshuman Vichare), रोहित कोकाटे, कमलाकर सातपुते, चित्तरंजन गिरी, अनिल नगरकर, माधव अभ्यंकर, प्रवीण डाळिंबकर, अभय गिते, राजेंद्र सातार्डेकर, कोमल चौधरी यांसारखी तगडी स्टारकास्ट प्रेक्षकांच्या भेटीला येणार आहे. ‘सालबर्डी’ चित्रपट १७ एप्रिलपासून प्रेक्षकांच्या भेटीला येणार असून, गावातील राजकारण, रहस्य आणि विनोदी जुगलबंदीचा थरार अनुभवण्यासाठी हा चित्रपट नक्की पहावा लागणार आहे.
